岩岩同宿舍人傾左個幾鐘~係佢地訓左之後~我就打下關於呢幾日發生既野啦

一月九日 星期二

考病理學...都唔知會唔會fail呢...有d擔心

一月十日 星期三

考教育學...係合格線上啦...應該冇事既

一月十一日 星期四

考英文...作文冇咩點寫...是旦考過就算

夜晚睇左 傷城...內容都幾深刻...朝偉為左報仇...處心積累

何必呢...受傷害總係身邊既人...女主角徐靜蕾演得唔錯

一月十二日 星期五

中午一點幾先起身...三點幾吃左d野

四點幾既時候...同班同學駱駝好意外甘叫我去睇電影

原來係佢做兼職間戲院有招待...佢叫左我地個系十個人左右去睇

當然係唔使錢啦...所以就跟左去...一去到就差唔多6點

原來間戲院今日請左一套叫 男才女貌 既女主角同導演黎開見面會

呢套戲 男主角係余文樂 女主角係高圓圓 導演係唐季禮

高圓圓係大陸演員...唔係太熟...只係知道佢演過倚天屠龍記既周芷若

而導演就唔使講啦...都出名既...余文樂居然冇黎...戲中2個日本演員亦都冇黎

一開場主持人問東問西...跟著到最後場下觀眾問問題...有海報拎

我仲諗著舉手問下...順便同下明星導演近距離接觸下

不過呢...由於趕時間只係問左一題...佢地成班人趕時間走左...

但我亦好好彩甘同唐導演握手...我同佢講...我黎自香港...佢面帶笑容走左喇

套戲幾好睇...有轉折位...有起有落...簡單朴實

之後去左書城買左3本書

一公升的眼淚...LA流浪記(康熙來了主持人 蔡康永寫)...流行日語888句

最後去左UNIQLO買左兩件格仔長恤衫...幾抵買...1件$129咋

考試周......

1 月1號~3號

3日都係宿舍溫書渡過...真係辛苦

1月4號

夜晚考左科 醫學免疫與微生物學

真係人都癲...希望考得過啦

1月5號

呢日考左衛生統計...唔多識囉...上堂成班男都打CS

不過夜晚果科 藥理十拿九穩

1月6號

24小時內連考4科...衛生統計...藥理...再加上兩科解剖(補考)

補考一科難一科簡單...慘在考完一份又考一份...都冇時間休息

1月7號

1點自己去左出去吃晏...諗著去新開既 大家樂(香港野嘛)

但係迫爆...間間鋪既都爆人...

一怒之下...走左去上次剪頭既附近食 意式風味既野

叫左個豬扒蛋包飯+cappuccino...20個正

夜晚同宿舍既fd 去左新開既 百佳(香港既鋪愈開愈多)

終於踏入 2007 年

回顧返06年真係起起伏伏啊...不過我都習慣起伏既生活

希望07年會比以前更加積極

因為上星期台灣地震攪到冇得寫xanga...今次寫返

12月26日 星期二

夜晚7點動漫周晚會終於開始左...亦係九點幾結束

呢晚用不過不失黎形容啦...大家都好努力去做好架喇...哈哈

12月28日 星期四

朝早既網球堂...考試失準...唉...唯有等1月4號啦...重考

而夜晚7點...我地學院既迎生晚會係呢晚舉行...

我有份表演既節目 係由香港澳門台灣上海 4個地方既派一個出黎

扮晒好愛國好愛學校既 on居節目...我要先朗誦一段...其他人都係

之後好型甘唱 王力宏版 龍的傳人...最後用好假既答案甘答主持人問題

由於表現得太好...引致1月23號可能要黎個全校表演

12月29日 星期五

下昼4點幾...足球俱樂部考試...要考take波...玩咩...要連續30幾

我最多20幾個...最後成班人一齊做30個掌上壓 pass過關

夜晚6點...有史以黎我地班攪飯局...去左打邊爐...幾好氣氛...

30幾人1間房3張枱...由於係自助既...成班人都叫得好high

同樣飲得好high...位位都係廿九咋...抵食

12月30日 星期六

朝早 英文Oral考試...背左一晚...臨場發揮OK...Pass無難度

12月31日 星期日

06年最後一日...留左係宿舍...冇咩特別...平穩渡過

12月21日 星期四

朝早考網球筆試...pass冇難度...之後去左網球場度練開波...後尾先知唔考開波

夜晚6點幾去左排迎新晚會既 港澳台學生既節目 係相當無聊既一個節目

先黎要用廣東話朗誦 有4個人朗誦...之後再唱2分半鐘既 王力宏版 龍的傳人

12月22日 星期五

朝早無堂上...爽爆

下昼去左踢波...呢幾堂都要用黎做考試...pass又係冇難度

由於冬至...所以同宿舍其中一個人去左吃水餃...其他兩個...小Q返左屋企

阿杰去左班活動聚餐打邊爐...所以得返我同飛飛去吃...都係吃個氣氛啦

夜晚再去排死神舞台劇...有人勁ng...一part攪左成廿分鐘

好耐都冇係xanga 打過野喇~

打下呢星期做過d乜啦~

12月16日 星期六

好難得夜晚同香港既fds用msn傾左好耐...好多爆笑野...good...要2月5號先放假...

12月17日 星期日

朝早十一點幾起身...睇左陣NBA...之後就出去傳真身份證副本返香港(保險要用喎)...要成6蚊...一餐飯錢喇

接著去左福建沙縣小食 吃左個一籠蒸餃同一碗牛肉面...7蚊落樓

之後搭巴士坐2個站到新開個幾個大商場對面剪頭髮...間鋪頭係學校方圓十里內算係幾四正既剪髮鋪...新開既...之前學校附近既水平太低喇...呢間算係有d料...

同香港剪頭唔同既係...呢度洗頭係坐係度...佢倒小小水濕下你個頭再用洗頭水

擦落你個頭抓下抓下...抓十分鐘先同你沖水...難得個幫我洗頭果位人兄係識講廣東話...所以下次都去果度剪...20蚊開張價...不過遲下加價...

12月18日 星期一

朝早8點幾起身...九點幾去上英文堂...頂爆佢...英文miss又冇黎上堂...已經3次喇...好似話病左

第一次冇返...個代課老師講...你們的老師生毛病了...我地成班人聽到呆左...點解要加多個毛呢

夜晚9點去左排cosplays死神劇

12月19日 星期二

冇咩特別...朝早8點冇返一堂之後

下昼3點幾去左排迎生晚會既活動...4點幾去左踢波

之前滑板學會叫人幫手買塊板到左...感覺一般般...要四百幾...

12月20日 星期三

成個朝早都冇返學...呵呵...後來又知道英文miss又冇黎

下昼1點半去左上病理既補堂...夜晚又去左排劇